سمعت السؤال ده قبل كده و فضل شاغل تفكيري و قررت اني اشغل تفكير قراء المدونه بيه -ده لو كان في حد يعرف مدونتي اصلا او بيقراها- و يمكن حد يديني رد منطقي يريحني....!! ايه بقي السؤال ؟؟؟؟؟؟
السؤال كان
ليه الدوله بتسمح بتجارة الخمور و مانعه تجارة الحشيش؟؟؟؟
او ليه عموما العالم مانع تجارة المخدرات و سامح بتجارة الخمور....!!؟؟
ما كله زفت
ولا ايه ؟؟؟؟
يا ريت لو حد عنده رد ممكن يريحني و يريح اللي سألني السؤال يتصل بينا علي
090037887
و صاحب الاجابه الصح هايكسب معانا في الفقرة دي
Atom Feed (xml)
4 comments:
والله انا شايف انك متسبقيش الاحداث
وبطمنك انى حاسس انهم حيصرحوا بالحشيش قريب قوى وحيبقى حاجه عاديه جدا
انت شكلك مبتتفرجيش على افلام ولا ايه
مبقاش حاجه غريبه علينا ان يكون فى بطل فيلم بيحشش
وكمان بنتعاطف معاه وكتير مننا بيقلده ودى على فكره ظاهره خطيره جدا كانت فى بالى من زمان وخصوصا بعد انتشار افلام اللمبى
وطريقه عرض الحشيش والبانجو وخلافه
بكل بجاحه وباساليب مخجله
اتمنى تكون فكرتى وصلت
واتمنى تكون اجابتى صح
.....
.....
وكمان اتمنى ان الجايزه متكونش قرش حشيش
نورت المدونه يا دكتور
و طبعا اجابتك اكتر من صح
و شكلي فعلا استعجلت و سبقت الاحداث
عموما ما تقلقش بالنسبه لموضوع الجايزة انا ماليش في الممنوع بس اي نوع تاني انا تحت امرك
لاء هى الدولة مصرحة بيه من زمان بس مكسوفه تقول
ما تقلقيش اى حاجه تغيب الدماغ فى بلدك بقت مصرح بيها
المهم بس الناس تعمل دماغ ومتفكرش
بصى يا سالى انتى سؤالك ليه الدولة بتسمح بدخول الخمرة ومانعة دخول المخدرات ؟
...
طيب ايه رأيك فى السؤال ده
ليه الدولة بتسمح بدخول السجاير ومانعة المخدرات ؟
...
ما السجاير والشيشة العن من المخدرات ...وكله بيودى لبعضه ...وفى الاخر الهدف واحد ....تدمير العقول الشابة الى عندنا تحت مسمى "التطور والتحضر"...ده زى ما يكون تطور البلد دى مش هايحصل الا لو ابنائنا اتسمموا
...
عموما ربنا يجازى اللى كان السبب ويهديه
...
على فكرة حلو البلوج بتاعك ...المناقشة فيه هادفة
...
Post a Comment